Nuk ka turist në botë që nuk ka vizituar, apo ëndërruar një vizitë në kryeqytetin e Italisë. Roma është një qytet i pasur me histori, kulturë dhe dëshmi arkeologjike unike në botë, kështu që është një destinacion shumë interesant për t’u vizituar nga njerëz kureshtarë nga çdo pjesë e planetit.
Të kufizohesh vetëm me një listë me 10 destinacione në Romë, është një gjë thuajse e pamundur. Qyteti i përjetshëm ofron aq shumë, me atraksione dhe monumente, sa na duket fyese të shkëpusim vetëm 10 prej tyre. Por jo të gjithë që shkojnë në qytet kanë në dispozicion kohë të mjaftueshme për të parë çdo gjë. Prandaj është e nevojshme të bëjmë një përzgjedhje dhe ne kemi zgjedhur 10 gjëra që nuk duhet të humbasim në Romë.
1. COLOSSEO
Klasiku i përjetshëm, një ndalesë e padiskutueshme e çdo vizite në Romë. Thuhet se kur të rrëzohet Colosseo (Koloseo)do të bjerë i gjithë qyteti, duke marrë me vetë poshtë tij, të gjithë botën. Emri origjinal i tij, është Amfiteatri Flavian dhe ishte skena e betejave të ashpra midis gladiatorëve dhe kafshëve, por edhe skena për simulimet e betejave detare. Koloseo është ende sot një nga simbolet e Romës, i njohur në të gjithë botën.
-
Si të arrini atje
Piazza del Colosseo, Linja B, Autobuzi: n. 51, 75, 81, 85, 87, 118 , Tram: n. 3. -
Orari
i hapur çdo ditë, nga e hëna në të diele, nga ora 09.30-19.00, Hyrja e fundit në ora 18.00, një orë para mbylljes. -
Çmimi i biletës
e plotë 16 euro, e reduktuar 2 euro, e vlefshme për 24 orë, që ju lejon hyrjen vetëm një herë në sitin arkeologjik të Faro Romano dhe Palatine, duke përfshirë edhe ekspozitat aty. FULL EXPERIENCE, e plotë € 22 e reduktuar € 2, përfshin hyrjen në çdo ambient dhe ekspozitat aty. E vlefshme për dy ditë, por që lejon hyrjen vetëm një herë në secilën prej tyre.
2. PANTHEONI
Një simbol tjetër i Romës i paraqitet publikut, i vendosur në një kupolë hijerëndë, stolisur me një kolonë të famshme.
Legjenda thotë se këtu, kur Romuli vdiq, një shqiponjë e rrëmbeu dhe e çoi në qiell. Siç tregon emri i saj Pantheon (Pan = të gjithë dhe Theon = hyjni) ndërtesa është një monument i dedikuar për të gjitha hyjnitë, ndërtuar nga perandori Adrian, mes viteve 118 dhe 125 pas Krishtit. Nga tempull pagan u shndërrua në një bazilikë të krishterë në vitin 609, kushtuar Santa Maria ad Martyres. Në 1870 u bë një vend pushimi për mbretërit e Italisë, duke përfshirë Vittorio Emanuele II, Umberto I dhe Margherita di Savoia. Gjithashtu këtu në Pantheon është varrosur edhe artisti i madh Raffaello Sanzio.
-
Si të arrini atje
Panteoni ndodhet në Piazza della Rotonda, Romë. Mund të shkoni me metro, ndalesa më e afërt është Barberini (linja A), rreth 700 metra nga Panteoni.Ose me autobus, autobusët nr. 30, 40, 62, 64, 81, 87 dhe 492: zbresin në stacionin Largo di Torre Argentina, i cili është rreth 400 metra nga Panteoni. -
Orari
Bazilika është e hapur gjatë gjithë ditës nga 09.00 në 19.00 (hyrja e fundit 18.30 ). Mbyllur më: 1 janar, 15 gusht dhe 25 dhjetor.Pranimi i fundit 30 minuta para kohës së mbylljes së Panteonit. Kohët mund të ndryshojnë në përputhje me festimet e veçanta fetare. -
Çmimi i biletës
Vizitë gratis
3. COMPLESSO DEL VITTORIANO
Gjithashtu i njohur si Vittoriano, është një monument i ndërtuar për të nderuar mbretin Vittorio Emanuele II, i cili përfundoi unifikimin e Italisë. Gjatë viteve të fashizmit, u bë shumë shpesh skena e manifestimeve të regjimit, ndërsa sot është shndërruar në një simbol jo vetëm të identitetit kombëtar, por edhe të identitetit artistik dhe kulturor.
-
Si të arrini atje
Piazza Venezia, Rome -
Orari
Orari: Terrace della Quadrighe, ashensorë panoramik, nga e hëna deri të enjten, nga ora 09:30 deri në 18.30 (hyrja e fundit 17:45), e premte, e shtunë, e diel dhe festat nga ora 09:30 deri në 19:30 (hyrja e fundit në ora 18:45) -
Çmimi i biletës
bileta e plotë 7 Euro, e reduktuar në 3.50 euro nga nën 18 deri në mbi 65 vjeç), falas për fëmijët nën 10 vjeç.
4. PIAZZA NAVONA
Një vend për t’u çlodhur, ulur në një tavolinë në një bar, rrethuar nga skulptura dhe arkitektura të stilit barok. Piazza Navona është një nga sheshet më të njohura të turistëve dhe qytetarëve romakë dhe ndodhet në vendin ku qëndronte stadiumi i lashtë i Domizit. Në fakt, falë formës ovale të hapësirës, lojëra dhe ngjarjet sportive u organizuan deri në shekullin e 19-të.
Në shesh mund të admironi edhe një punë nga Bernini, Fontana dei Quattro Fiumi, ose Ganges, Danubi, Rio della Plata dhe Nili. Secili prej tyre përfaqësohet nga një gjigant i vendosur në një gur piramidal, mbi të cilin ka edhe një obelisk romak.
-
Si të arrini atje
Autobusët 64, 46, 70, 81, 116, 186 dhe 492. -
Orari
në çdo kohë -
Çmimi i biletës
vizitë gratis
5. MUZETË E VATIKANIT
Në këtë vend mbahen vepra të rëndësishme dhe të çmuara të antikitetit, nga kohët greke dhe romake, si Lacoonte, Apoxyomenos dhe Apollo të Belvedere, por edhe shembuj të artit egjiptian dhe etrusk. Muzetë e Vatikanit janë të njohur universalisht si një nga komplekset muzeale më të pasura dhe më të bukura në botë dhe gjithashtu përfshijnë një galeri arti, me veprat e Raffaelo, Caravaggio dhe Leonardo da Vinçi.
Nuk mund të mos përmendim edhe të famshmen Cappella Sistina, rezultat i gjenialitetit të Michelangelo-s, i cili mirëpret mbi 20. 000 vizitorë çdo ditë.
-
Si të arrini atje
Viale Vaticano, linja e metrosë A, ndalesa Ottaviano-S.Pietro, Qipro. Autobusët 49, 32, 81, 982, 492 dhe 990. Tramvaj 19. -
Orari
Nga 1 -31 korrik 2021, nga ora 08.30-18.30, hyrja e fundit në ora 16.30. Te premten dhe te shtunën, nga ora 8.30-22.30, hyrja e fundit në ora 20.30. Nga 2 nëntori 2021, nga e hëna në të shtunë, nga ora 08.30-18.30, hyrja e fundit në ora 16.30. Ditën e premte 24 dhjetor dhe ditën e premte 31 dhjetor, muzeumet do të jenë të hapura nga 08.30-15.30, me jyrjne e fundit në ora 13.30. Muzeumet do të jenë të mbyllura për publikun e hënë 1 nëntor, e mërkurë 8 dhe e shtunë 25 dhjetor. -
Çmimi i biletës
Hyrja me biletë të plotë 16 euro, biletë të reduktuar 8 euro. Biletat duhet të prenotohen vetëm online.
6. BAZILIKA E SHËN PJETRIT
Në çdo imazh të horizontit të qytetit qëndron kupola e Bazilikës së San Pietro-s, e projektuar nga Michelangelo, si dhe portiku spektakolar i sheshit përpara, ndërtuar nga Bernini. Ndërtesa nuk është vetëm një nga shembujt më të mrekullueshëm dhe më të rëndësishëm të arkitekturës italiane, por është gjithashtu një nga vendet simbolike të krishterimit. Bazilika gjithashtu përfshin kryeveprat e bukurisë së rrallë, të krijuara nga artistët më të rëndësishëm të Rilindjes Romake dhe Barokut, siç është Pieta e Michelangelo, Cattedra di S. Pietro dhe Baldacchino nga Bernini.
-
Si të arrini atje
Metro A, Ottaviano - ndalesa San Pietro. -
Orari
Nga 1 tetori - 31 mars, nga ora 07.00 deri në 18.30, nga 1 prilli - 30 shtator, nga ora 07.00 deri në 19.00. -
Çmimi i biletës
Hyrja në Bazilikë dhe Varre është falas, për të hyrë në Kupolë kostoja është 7.00 € me ashensor, ose 5.00 € pa ashensor.
7. PIAZZA DI SPAGNA
Një tjetër ndalesë e pamohueshme në kryeqytet, Piazza di Spagna dhe shkallët Trinità dei Monti janë një sfond unik në botë për shfaqjet e modës dhe skenat e famshme të filmave. Ky shesh konsiderohet si një nga sheshet më elegante romake. Në kohët e lashta ajo priste gara atletike dhe gara të të gjitha llojeve, ndërsa në ditët e sotme mund të gjeni shumë artistë të rrugës, piktorë dhe portretistë. Në mjedisin e tij të bukur, do të shihni dy shatërvanë madhështorë: shatërvanin e Neptunit dhe shatërvanin e Moro-s.
8. CAMPO DEI FIORI
-
Si të arrini atje
Metro A, ndalet në Piazza di Spagna -
Orari
në çdo kohë -
Çmimi i biletës
vizitë falas
Në qendër të sheshit qëndron një statujë e filozofit Giordano Bruno, i cili u dogj gjallë nga Inkuizicioni për shkak të teorive dhe pretendimeve të tij të konsideruara heretike. Si e ka marrë emrin ky shesh, Campi di Fiori (fusha e luleve)? Ka dy tregime për lindjen e emrit: varianti i parë pretendon që emri rrjedh nga Flora, një nga të dashuruarit e perandorit Pompeo, varianti i dytë pretendon se emri vjen nga bimët dhe lulet që mbulonin sheshin në shekullin e pesëmbëdhjetë. Natyrisht që deri më sot, nuk mbahen shumë mend ekzekutimet dhe gjykimet, ndërsa sot sheshi është skena e jetës së shfrenuar romane, falë tregut të hapur që zhvillohet në mëngjes dhe klubeve ku të rinjtë dhe turistët argëtohen gjatë orëve të mbrëmjes.
-
Si të arrini atje
ecni nga Piazza Navona, duke kaluar Corso Vittorio Emanuele dhe Via dei Baullari -
Orari
në çdo orë -
Çmimi i biletës
Vizitë falas
9. FONTANA DI TREVI
Për ta gjetur, mjafton të shkoni pas shushuritjes së ujit që derdhet dhe bashkohet me zhurmën e qytetit. Pasi kaloni nëpër një labirint të rrugëve ju arrini në Fontana di Trevi, e cila është ashtu siç e imagjinoni: bujare, e mbushur me njerëz, përfaqësuese e Dolce Vita. Hidhni një monedhë dhe thoni dëshirën tuaj!
-
Si të arrini atje
Piazza di Trevi, Metro A, ndalesa Barberini. -
Orari
në çdo kohë -
Çmimi i biletës
Vizitë falas
10. TERME DA CARACALLA
Caracalla (Banjot e Caracalla-s), është e njohur pasi romakët i donin banjot dhe përdornin çdo vend ku kishte një burim uji të ngrohtë. Banjot publike ishin i vetmi “luks” për të gjithë, jo vetëm të pasurit. Banjo e Caracalla ishte një vend, i frekuentuar kryesisht nga njerëzit që mund të gëzonin këto ndërtesa elegante që janë ruajtur pothuajse të paprekura deri më soto
-
Si të arrini atje
Viale delle Terme di Caracalla, Metro B, Ndalesa Circo Massimo. Autobusët 760 dhe 628 -
Orari
Nga e hëna - të shtunën, nga ora 09.00 deri 18.15 -
Çmimi i biletës
e plotë 8 €, e reduktuar 3 €
Ky artikull, duke përfshirë tekstin dhe fotot janë pronë intelektuale e TRAVELBAR. Artikulli gëzon të drejtën e copyright dhe ndalohet çdo kopjim ose riprodhim i tërësishëm apo i pjesshëm.
