Home REVISTA REICHSTAG

REICHSTAG

nga admin

Parlamenti historik i shtetit gjerman

Historia e pallatit, shkon paralelisht me atë të lindjes së kombit gjerman. Pas dy konkurseve arkitektonike, punimet filluan më 9 korrik 1884, ku legjenda thotë se Perandori William I, si shenjë e fatit të mirë, goditi gurin e parë tre here, para se kazma të thyhej në duart e tij. Kaiseri, në fakt, nuk ishte aspak i kënaqur me ndërtesën që mishëronte një kthesë të padëshiruar gjysmë-demokratike të mbretërisë.

Vetëm pas shumë mendimesh, ai e pranoi projektin për ndërtimin e një kupole prej guri që do ta bënte Reichstag-un më të gjatë se kështjella e tij.

Punimet përfunduan pas 10 vitesh. Ndërkohë, perandori i ri ishte bërë William II, nipi i William I. Ai gjithashtu nuk kishte simpati të madhe për ndërtesën: ai e quajti kupolën “majën e shijes së keqe”, diskreditoi arkitektin, i dha Reichstag-ut pseudonimin “Reichsaffenhaus” (shtëpia e majmunëve të Rajhut) dhe nuk pranoi që mbishkrimi “Dem Deutschen Volke” (Për popullin gjerman) të vendosej mbi të.

Vetëm në vitin 1916, në mes të Luftës së Madhe, tabela u vendos në hyrje të ndërtesës dhe përsëri këtu, sapo përfundoi konflikti, deputeti Philipp Scheidemann shpalli krijimin e Republikës.

Më 27 shkurt 1933, u ndez një zjarr i cili shkatërroi si sallën e mbledhjeve, ashtu edhe kupolën. Dinamika e ngjarjeve është ende e mbuluar me mister, por ajo u shërbeu socialnacionalistëve si pretekst për të diskredituar kundërshtarët e tyre politikë, duke iniciuar ngritjen e partisë.

Nga ajo kohë, deri në fund të Luftës së Dytë Botërore Parlamneti zhvilloi vetëm 19 seanca të Parlamentit, megjithatë, jo më në Reichstag, i cili ishte bërë i papërdorshëm, por brenda një dhome të Teatrit Kroll aty pranë. Dëmtuar rëndë nga bombardimet, Reichstag, i cili pas ndarjes së Berlinit e gjen veten në perëndim, në distancën kohore mes vitit 1961 dhe 1971 u rindërtua pa kupolë, sipas modelit të arkitektit Paul Baumgarten.

Me rënien e Murit të Berlinit, ribashkimin dhe transferimin e kryeqytetit të Republikës Federale nga Bon në Berlin, Bundestag (d.m.th. parlamenti i shtetit aktual Gjerman) vendosi të rizgjedhë Reichstag-un si selinë e tij. Sidoqoftë, ishte e nevojshme një punë e kujdesshme restauruese dhe rindërtimi i kupolës. Projekti iu besua arkitektit Sir Norman Foster i cili, përveç që bëri ambientet e brendshme të ndërtesës moderne dhe funksionale, bëri një kryevepër autentike me rindërtimin e kupolës, të rindërtuar në xham dhe të arritshme nga brenda falë një shkalle spirale madhështore që ende ofron sot një nga pamjet më të bukura të qytetit.

Ky artikull, duke përfshirë tekstin dhe fotot janë pronë intelektuale e TRAVELBAR. Artikulli gëzon të drejtën e copyright dhe ndalohet çdo kopjim ose riprodhim i tërësishëm apo i pjesshëm.

Adresa:

Platz der Republik 1 11011 Berlin

Shkruani një koment

Mund t'ju pëlqejnë edhe: