Monday July 22 2019

KONTRAFILETO VIÇI ME PANA, PASIONANTJA ÇEKE

Çfarë çoni në mendje kur thoni “pjatë tipike çeke”? Cilado qoftë ajo, kontrafileto viçi me salcë pane do të jetë ndër pjatat e para. Ndoshta edhe për shkak të diskutimeve pasionante rreth kësaj pjate vërtet origjinale. Kjo pjate quhet Svíčková Omáčka.

Mosmarrëveshja ose diskutimi kryesor lidhet me çështjen, nëse duhet ta përgatisni vetëm me pjesën e kontrafiletos, apo mund të përdorni edhe ndonjë pjesë tjetër të viçit, sepse në realitet është mëkat t’i gatuash kontrafiletot për kaq shumë kohë.

Pastaj një diskutim po kaq i rëndësishëm për çekët është nëse bëhet fjalë për salcë pane apo vetëm për kontrafileto në panë. Mbështetësit e variantit të parë e nxjerrin emrin nga salca, që gruaja e mjeshtrit gatuante për punëtorët para se të largoheshin në prag të dimrit. Për shkak se ishte shumë errësirë kur hanin dhe meqë vetëm qirinjtë përreth bënin dritë, ata filluan ta quanin salca e qirinjve (në gjuhën çeke kontrafiletoja e viçit quhet mishi i qirinjve).

Të tjerë i referohen librave të recetave të Anuše Kejřová dhe Marie Janků-Sandtnerová, të cilat të dyja e bëjnë lëngun të mbushur me perime.

Nëse kjo nuk do të ishte e mjaftueshme, debatet bëhen edhe më të “ashpra”, nëse mishi duhet hedhur veçmas, apo ta gatuani së bashku me zarzavate, nëse duhet të shtoni mustardën apo jo dhe nëse, në fund, duhet ta hidhni salcën lehtë sipër mishit, apo ta zhysni mishin në salcë. Me pak fjalë, sa kuzhinierë, aq edhe receta.

Të paktën pajtohemi që kjo pjatë të shërbehet me feta buke të thekura….

 

 

TORTE ME MOLLE

Kohëzgjatja: 20 minuta +120 minuta
Përbërësit: për 4 persona

750 g kontrafileto viçi
50 g pançetë e prerë hollë
kripë, piper i bluar
2 karrota të mëdha
150 g kërcej selinoje
1 tufë majdanoz
1 qepë e madhe
5 kokrra piper i zi
3 speca të kuq
3 gjethe dafine
pak trumzë
150 g gjalp i shkrirë
lëngu i 1 limoni
100 g mustardë
2 lugë gjelle miell
250 ml pana
qumësht
sheqer
limon i prerë në feta
reçel mirtili

PERGATITJA

1. Pastroni mishin, hiqni membranën dhe e mbushni me proshutë. Pastaj shtoni kripë dhe piper. Pastroni qepën dhe e prisni në copa të vogla, gjithashtu pastroni perimet. Vendoseni mishin në tigan, shtoni erëzat, lëng limoni dhe gjalpë të shkrirë. E mbuloni me plasmas kuzhine dhe e vendosni për një ditë në frigorifer.

2. Ditën tjetër, e sperkasni mishin me pak ujë dhe e vendosni në furrë, ku e piqni me kujdes derisa mishi të mbetet i butë. Pastaj e nxirrni mishin dhe e lini në qetësi, hiqni erëzat nga lëngu, sidomos gjethen e dafinës.

3. Hidheni salcën që ngeli nga pjekja e mishit në tigan dhe e vendosni në zjarr të ngadaltë. Shtoni mustardën, dy lugë miell dhe e përzieni shpejt dhe e hiqni nga zjarri. Shtoni panën duke e përzier herë pas here. Nëse salca është shumë e trashë, hollojeni me qumësht. Në fund shtoni perimet e prera shumë hollë në salcë. Sipas shijes, i shtoni lëng limoni, ose nëse doni ta ëmbëlsoni i shtoni një lugë të vogël sheqer. ( Hidhni në një tigan të vogë sheqer dhe e karamelizoni atë, pastaj i shtoni pak ujë dhe do të përfitoni një lëng ngjyrë kafe, të cilin do t’ia shtoni salcës. Theksojmë se ky është një variant për ato që duan shije të ëmbël të salcës).

4. Ndërkohë prisni mishin në feta dhe i zhysni ato në salcë të nxehtë. E shërbeni me feta buke të thekur, feta limoni reçel boronice.

Disa kuzhinier betohen se perimet duhet të jenë të pjekura për salcën. Dhe se ngjyra e errët e tyre i jep ngjyrë të gjithë salcës. Provoni vetë se cili variant është më i mirë për ju.

Share this:
Tags:

Add Comment

five + eleven =

This site uses Akismet to reduce spam. Learn how your comment data is processed.